Ebetyendi
na ke ebebe na. Upolo umboko dinana Maseni, na mbadi'tubwe a dole
mobetyendi e mboka'voko.
E
mboka mera momu'mboko abetyendi adiyaka ezityi, emwa e mboka,
avatevokona alukandi asaka mala ma itoka dja bedja.
Mudiya,
diya, avatyetye ezityi teyi do, amuvwasaka zie üma'ne meta metanu.
Enga bepega eloba bata, bata; makayi rope bate, bate, ene ima tima
ebe'vara. Mubotyetye na e mbokaadu e'zityi, mudiya.
Nga
betye minya madola manayi, momu'mboko avatyetye adu'tyendo ezityi. Mu
mba puletyena mbela eyendi vara; etame eko tego bovolumaka na embela
teyi; mbomo evoena edolandi, tego bovolumaka e mbela; etolo edole,
djongome.
Mosei
mbela yondi vomuna, emene ke natye longoko vilambo'viame. Mubotyetye,
kobetye e mbela moto, mbomo na etolo.
Yondi
vo moto namu na, soso, kutyenetye ngwe, djoba negugu ngwe nangate
sanave. Mbomo na etolo wasebwamu rebo mia'voko. Mu mokodi pwe,
bovugakayo e mbela teyi, amudulakawa umboko, umboko.
Ngabetye
wazie wamuebwebwe, avatyetye nawa e mbokaadu.
Na
e mbadi, moto amukutyenetyemu djamba, isuga dja bepele na bedadi,
ivioyo dja mbadi na wana bebolo bevokwe. Mbomo tevo; etolo botyetye,
mu na naviyandi etyatyava.
Mudo
na e bangi angani a Maseni, amuibaka dole, atakanyo momu memura; naka
na, na, egombe ziepi. Onge vadjandjiyemu ebolo mera, moto a rambaadu
atondimu. Mute voo.
Yondibene,
Maseni na sodje nyadu na longoleni e bangi tango a dole nyeye. Watego
londjeni, kobetye etotodu epondi, pati a dole mba betye. Wabosebwaka
Upolo-Maseni na, nganana ndi ekob'iwe bangi. Upolo-Maseni na,
¿rand'asa ebolo a djongomedjinana?
Djoka
ra, momu me adiya ezityi okame, mu na, vama betye Upolo-Maseni
apulena ngwe ndi naye na dolemenyi, ¿nava.ówe? Etolo namu na,
enyotye, ima tima evadola na've.
Djob'ivoko,
abetye ramba a'tolo, mu na naviyandi. Mubotyetye e mboka
Upolo-Maseni. Mu na momunboko adiya ezityi ona, mundi aye na
dolemenyira; etolo ndi abene atyetye mu nanyo.
Upolo-Maseni
na ¿poni, poni ndi sebwave? Mu na e. Upolo bolomiyetye sodje
ibombo'djadu, wamuwiakanamu, na dole nyeze. Mu n'opolo na ke mba
kuduwetyengwe.
Waboveletyemu
e uboka, na amandi owetye. Mu tego evo bia; amuyayaka. Yondi'viya
mbomo, namu na enyotye; vama betyeve ety'owetye, namanditye lovaka
mwa Maseni. Motote moto abengudi ondjiyemu tinandi wapule ikayime dje
leviyengweve dji. Ovendi ema ondjiyetyemu. ¿Okate? Mu na e, noka.
Erandi,
vabetyewa wadjuse abetye na dole, ke Maseni avona, mwadu ama banaka
namu asebwetyemu.
Djoba
dja djoya djadu djebepabe, wavatyetye namu mo sagani na mokodi. Wato
wayendi boo, wavuretye egombe timaka. Longokoni nga tego, mwopolo
kidi, swi, swi, swi. Wato vede, vede, vede. Endinde, na endinde wana
lepule, letote kabo muakwaka, ito iimana-gugu ndi'lovamu.
Meganga
mevidjinendi tego mbesana. Tewalendjiyendi abe atye owetye.
Yondi
amamu na, vurwakaningwe mesagomeni, ngwe naye ngudi ondjiyemu. Wana,
¿okateni ngavoyo atyowetye? A, moto ayive. Yondi vo sodje na
likakanimu, wamesago vurwe, vurwe, pa. Mu tego etyendo na vabetye
mwopolo. Mu ikayi viaga, viaga nekoro; amupindwakadjo enyolo a
mwopolo, kwe tego mwado migo bwe.
Wana
e, atonguwemu. Upolo-Maseni na etyatyava ove ndi emabanaka na mwame,
ke umbokwe avetye na rebo mundi ama owetye e masana'mave.
Mura
avowetye, muavatawetye inyanga, namu na banaka na mwa Maseni,
wavadiyaka wasevaka.
Na
ngwe na viaka'rago, na ngwe na timbaka.
Versión
en lengua dwone
Fuente:
Jacint Creus/Mª Antonia Brunat
0.111.1
anonimo (guinea ecuatorial) - 055
No hay comentarios:
Publicar un comentario