Atojan yutuan .691a

Kara atojan yutuan. Cudiciata apisakara kay atoj, yutu silbasqanta paypas silbanaasakara chaynata nipusakara:

-Yachachiay silbayta.

Y yutu nipusakara:

-Simiyki ancha atun, rini sirasoj.

Y buenoo -nisakara atojqa- y sirapusakara hiluan. Chaymanta a silbasakara atojqa siminta utulayachipuptin. Chaymanta yutu nipusakara:

-Na a aprendenki silbayta, riylla cheqallata silbaspalla.

Y atojqa silbas rin cheqallata y yutuqa ris suyan ñampi, güella costitapi, chaymanta yutuqa asustanaas paas atarin y atojqa asustakus qaparisakara y qaparisqampé siminta interota rajan.

Charayku atojqa kan ancha simin atun.

Versión quichua

Jacinto Carpio, 69 años. Villa Salavina. Salavina. Santiago del Estero, 1951.

El narrador es bilingüe quichua-español, nativo de la región y semianalfabeto.

Narración tomada con la colaboración de Laureta Bravo, que habla quichua, es oriunda de Villa Salavina y Directora de la escuela local.

Cuento 691a Fuente: Berta Elena Vidal de Battini

0.015.1 anonimo (argentina) - 048