Alguien dijo: "Los cuentos nos ayudan a enfrentarnos al mundo"

Era se una vez...

8-2-2015 a las 21:47:50 10.000 relatos y 10.000 recetas

10.001 relatos en tiocarlosproducciones

10.001 recetas en mundi-recetasdelabelasilvia

Translate

viernes, 31 de octubre de 2014

Galu n'ganyia nu paata .014

Wan tela se solla folo, se sajan galu nganyia ku wamp paata, se wangwé méssé wangwé sée ney jaza. M'dji jazá say ké ney jazaai; na seesta jazamentu ja féfé xifa paké a jafa: pójó ku pójó; paata ku paata. Ku tempu jólidu see da xióló pa galu n'ganyia 6 tendé fa may jadji deli, mama paata na sa ja fólf taba bi jadji dji bójó tadjai y ja toja jadji sunzu, sée na ja bé kum fa midji mama paata jassa libajama v'la tyipabanku kulazan bójó fa is jadanx. Se pay n'ganyia ja fé kumu sée ja jadji ku ja tudu, da wan pamassedu sée pay fa isaja matu ba tyalba, sée fee xima fanja issé beza, sée tan da voto sée jondé pé bassu jama. Na da wan vedjifá sé be sée lanta sée pentya 6 gué gavu sé bajadji kumu, sée kumpa kum taba sé tuka bitidu, sée ma zété d'ógué nexi gagau maxi sé d'ógué, na dan védjifa se bi sée wan pay paata se lanta jadji se ba liba jadela se tussan, sezwaia na mosso se may va fo saan se tya kumpé meza séeney kumu sé mey bébé. Se liguilía ten vada saan ku bugu ku baga ku jatúd; se óxi da gwalise a lanta jotyiá, se a fanté fanté nenxi sa palee tudu. Se ta ta bé fad'ola saja pono ja be banda tadjia se xióló pa paata ma kuzu se tanda tax bajadjidél. Todo joneixi fé ai galu n'ganyia sa bassu jama sée be tudu; ta o'la da, sée sé fo tabaya se fali pe maia bobiza. Odje dantyi den pajada maxiku odjiatudu. Se galu nganyia passa bassan ba tussan sé jonte todo joneixi passa tudu; se také falijaba ku paxanxi saja meteli sée dee ku bójó sée nguleli. Waia fodexi se na nganyia nta ja fo bé jama paata ja passaf.
Paké vila namigu d'alma diney. Se ¡ay se sollajaba pé.

14. El gallo y la cucaracha.

Versión en lengua ambú

Fuente: Jacint Creus/Mª Antonia Brunat

0.111.1 anonimo (guinea ecuatorial) - 050

No hay comentarios:

Publicar un comentario